هديه للمبتدئين في الكمبيوتر اهداء عام لكل الناس

بسم الله الرحمن الرحيم
حبايبى رواد منتدى احلى نجوم
النهاردة هنبدأ مع بعض رحلة أو حلقات هنكملها ان شاء الله مع بعض وهى دليل الكمبيوتر الجديد بمعنى ان اللى عايز يشترى كمبيوتر يقدر يتابع الحلقات دى ويتعرف على مكونات الجهاز حتة حتة ويقدر ان شاء الله يختار أنسب شىء ليه لما يعرف كل حاجة فى الجهاز.

نبدأ على بركة الله

الجهاز من الخارج ينقسم الى حوالى 5 قطع ضرورية وهى :
1- الكيسة Case ودى اللى فيها أجزاء الكمبيوتر
2- الشاشة Monitor ودى شاشة العرض
3- لوحة المفاتيح Keyboard
4- الفارة Mouse
5- السماعات Speakers
دول لا يخلو منهم أى جهاز كمبيوتر فى أى بيت

فى الحلقة الأولى دى هنتناول الحاجات الخفيفة
أ- لوحة المفاتيح :
ودى مفيهاش كلام كتير لأنها موجودة بمليون شكل وصورة وسعر بس فى حاجات تراعيها فى اللوحة لما تيجى تشترى وهى :
- وجود أزرار ملتيميديا يعنى لخفض الصوت والنت والتحكم فى الميديا بلاير لأنها فعلا بتساعد كتير
- تكون الكيبورد من واجهة USB أفضل من PS/2 لأنها أسرع وأفضل
- الكيبورد تدعم العربية وتكون الحروف مكتوبة بالعربى ع الأزرار
- نيجى بقى للتقيل والمهم هو انك ما تسترخصش كيبورد وتفرح بأم 15 أو 20 جنيه لأنها بتبقى خفيفة وبتبوظ بسرعة ومن الآخر كيبورد محترم لا يقل عن 50 جنيه ووالله مش خسارة لأنها بتعيش والأنواع اللى أوصى بيها :
1- Microsoft
2- AOpen
3- A4Tech
4- Tiger
5- Gigabyte
دى أنواع موجودة فى السوق وأسعارها معقولة بتبدأ من 40 أو 50 جنيه ولغاية 300 أو 400
وعموما فى أنواع كتير تانية كويسة بس دول مجربين والمهم وانت بتشترى تتأكد انه تقيل وزرايره حرة الحركة وخفيفة ومش هتعمل صوت

ب- الفارة
دى مافيهاش كلام بس تفضل طبعا من نوع الماوس الضوئى Optical Mouse يعنى من غير بلية من تحت عشان مش ناقصة خنقة و مشاكلها كتير
ويكون الماوس انسيابى متناسب مع وضع الكف عليه من فوق ويكون فيه بكرة Scroll Mouse عشان بتريح فى شغلها
أنواع مقترحة:
1- Microsoft
2- LG
3- Genius
4- A4Tech
وبرضه هنقول فى أنواع تانية بس تبص عليها قبل ماتشترى وتعاينها كويس

انتهت الحلقة الأولى وان شاء الله هنكمل سوا

تحياتى

التوقيع

هديه للمبتدئين في الكمبيوتر اهداء عام لكل الناس Storm_1966467250863185753_89936054bg9

هديه للمبتدئين في الكمبيوتر اهداء عام لكل الناس 182795491

الله الله
ممتاااااااااز
معلومات فعلا مهمة
ممتاااااااااااااااز

هديه للمبتدئين في الكمبيوتر اهداء عام لكل الناس 321007136

تحياتى
Mr.MoOoOodY