كفاح شاب مكافح

السلام عليكم
نبدا في القصة بدون اي مقدمات،
كان فيه شاب تمرمط في هالدنيا كمل دراستة والفقر لاعب فيه وبعدها توظف وظيفة بسيطه براتب زهيد ظل هذا الشاب يكافح في هذا العمل حتى ارتفع المرتب للذي يقدر يفتح فيه بيت.
قام هذا الشاب بطلب ورقة تعريف من مقر عمله وتم إعطائه هذا التعريف لاحد البنوك لإستخراج قرض لغرض الزواج وفتح بيت.
اخذ البنوك من اول لاخر بنك بيشوف من الي بيعطيه قرض اكثر ونسبه اقل هذا الشاب حصل البنك الي يبغاه وأخذ القرض راح كلم ابوه وامه على انهم يدورون له بنت للزواج حصلوا له بنت زي القمر اتزوجها فتح له بيت صار هذا الشاب عايش يعني نقول مستور حاله وجلس سنه الشاب شك في الوضع يبغى طفل قال هذا الشاب لزوجته نبغى نروح للمستشفى علشان نكشف لنا سنه وما جالنا طفل اكيد يا منك يا مني الزوجه طلعت عاقله وراحت معاه للمستشفى وتم الكشف على الاثنين طلع العيب من هذا الشاب رجع للبيت والنفسيه مرررررره تكلمت معاة زوجته إن هذا الامر من عند الله ووووو ألخ..
مرت سنه والوضع في البيت طيب إلى حد ما جاء صاحب هذا الشاب وهوه ملتزم إلى البيت قام هذا الشاب بتقديم واجب الضيافه فسأل هذا الملتزم الشاب وقال يا خي لك سنه وضعك مو زي أول صرت وحداني المهم شكاله هذا الشاب من الوضع انه عقيم وان نفسه في ولد .
رد عليه هذا الملتزم بضحكه وقال اين انت من الاستغفار والكثره منه فإن في الاستغفار المدد من الله يمدكم بأموال وبنين.
ذهب هذا الملتزم من عند الشاب ففكر الشاب لما لا اجرب هذه التجربه..؟؟
فجلس الشاب سته اشهر وهوه ملازم للإستغفار فمرض بالحمى وذهب للمستشفى وإعطي العلاج الخاص بالحمى وذهب إلى البيت وجلس ثلاثه ايام وشفى بأمر الله وبعد شهرين بانت على الزوجه اثار الحمل فعجل بها إلى المستشفى فوجدها حامل وشكر الله مرت الايام والشهور حتى ولد الزوجه وانجبت ولد زي القمر فرح الاب ووو الخ..
كبر الابن صار عمره5 سنوات اشترا الاب سياره جديده صار الاب كل يوم يغسل هالسياره من خوفه عليها راح يوم الاب يلمع هالسياره من الداخل في الحوش حق البيت شاف الولد الصغير يشخبط على بوية السياره قام الاب لاشعورياً بضرب الولد بحديده على يده وهو فاقد الشعور بنفسه صار الولد يبكي ذهب إلى أمه وهو يبكي بكاء هستيري نادت الزوجه الاب بسرعه تعال الولد ايده تنزف دم راحو للمستشفى دخلو الولد غرفة العمليات قامو الاطباء بقطع ثلاثه من اصابع الولد وحين طلع الولد من غرفة العمليات بعد ما صحي يقول لابوه بابا متى تطلع اصابع يدي ليش تضربني بقوه راح الاب يبكي وزعلان راح للسياره يطالع فيها لفت نضره الشخابيط الي كتبها الولد تدرون وش هالشخابيط الولد كاتب ((((((((( أحبك يا بابا ))))))))
انتهت القصه وعطوني رايكم.